Якты юл
  • Рус Тат
  • Тукай районында сугыштан алып кайтылган бердәнбер немец аккордеоны бар

    Калмаш авылында яшәүче Нәсим Сәлимгәрәевның кулларында - әтисе, Бөек Ватан сугышы ветераны Нәкыйп Сәлимгәрәй улы Сәлимгәрәевның сугыш трофее итеп алып кайткан немец аккордеоны.

    Нәкыйп Сәлимгәрәев 1941 елның 22 июнен Румыниядә, Кызыл Армия сафларында хезмәт иткән чакта каршы ала. Ефрейтор дәрәҗәсендәге татар егете, снайперлыкка укып, Кавказны фашист илбасарларыннан батырларча саклый. 1942 елның 5 ноябрендә шул батырлыклары өчен аны Кызыл Йолдыз ордены, ә 1943 елда «Батырлык өчен» медале белән бүләклиләр.

    Бөек Җиңү көнен Нәкыйп Сәлимгәрәев Австриянең башкаласы Вена шәһәрендә каршылый. Туган якларына исә аңа 1946 елның көзендә генә кайтырга насыйп була.

    Кызганычка каршы, Нәкыйп Сәлимгәрәев күптән инде гүр иясе. Ләкин аның улы Нәсим ага кулларына дәһшәтле сугыш юлларын үткән немец аккордеонын алганда, аның хәтерендә әтисе турындагы хатирәләр янәдән яңара, яши бирә.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: