Район Сабан туена рәхим итегез

11 июнь көнне Мус. Завод авыл җирлегенә караган Кызыл Байрак авылы янындагы урман аланында район Сабан туе була.

Елдагыча, бәйрәм ветераннарны, хезмәт алдынгыларын, кыр батырларын хөрмәтләүдән башлана. Зур әдәби-музыкаль программа, ат чабышлары, татарча милли көрәш, спорт ярышлары, күңелле уеннар бәйрәмнең күркәм мизгелләре булыр. Шулай ук зур сәүдә оештырыла, җәмәгать туклануы предприятиеләре халыкка хезмәт күрсәтәчәк. Балалар мәйданчыгы эшләячәк.

Хөрмәтле райондашлар, кунаклар, мәйдан сезне көтә.

Сабан туе 10.00 сәгатьтә башлана. Бәйрәмебезгә рәхим итегез!