Район елъязмасы

1920 елга кадәр Тукай районы җирләре Уфа губернасының Минзәлә өязенә карый.
1920 ел – Минзәлә өязе яңа төзелгән ТАССР составына керә.
1929 ел – Чаллы контонында 169 мең 527 татар, 162 мең 921 урыс, 5 мең 076 мари, 3 мең 339 мордва, 2 мең 059 чуаш, 1 мең 919 ватяк hәм башка милләт вәкилләре яши.
1930 ел, 1 октябрь – Тукай районы территориясе Яр Чаллы шәhәре административ үзәге буенча Чаллы районы буларак оештырыла. Аның составында 55 авыл җирлеге була.
1941-1945 еллар – Бөек Ватан сугышына Чаллы районы авыллары фронтка 14 меңнән артык ир-егетне озата, 6 меңнән артыгы туган якларына әйләнеп кайтмый.
1976 ел, 20 апрель – элеккеге Чаллы районы Тукай районы дип үзгәртелә, Йолдыз Вәгыйз улы Кормашев Тукай районы партия комитетының беренче секретаре итеп билгеленә.
1976 ел, август – «Якты юл» («Светлый путь») газетасы чыга башлый. 
1976 ел – районда бөртеклеләрнең гектарыннан 21,4 центнер уңыш җыела; 253 мең 588 центнер сөт җитештерелә hәм дәүләткә 221 мең 996 центнер сөт тапшырыла.
1984 ел – район составына Минзәлә районыннан Сәмәкәй, Иске Абдул, Боерган, Калмия, Күзкәй авыл җирлекләре; Сарман районыннан Иске Дөреш, Яңа Бүләк, Теләнче Тамак җирлекләре кертелә. Шулай итеп, районга барлыгы 33 авыл кушыла.
1983 ел – Тукай районы партия райкомының беренче секретаре итеп Мәхмүт Вәҗетдин улы Гыйләҗев билгеләнә.
1988 ел – КПССның Тукай район комитеты беренче секретаре итеп Равил Захир улы Минһаҗев билгеләнә.
1990 ел – Тукай районы партия райкомының беренче секретаре итеп Фаил Мәних улы Шириев куела.
1993 ел – Айрат Таhир улы Гыйлаев «Рәсәй кубогы»нда милли көрәш буенча җиңү яулый.
1996 ел – Ришат Раббани улы Шәрипов милли көрәш буенча республика чемпионы була.
1997 ел – Тукай районы башлыгы итеп Алекс Гарифин улы Хабибуллин билгеләнә.
1999 ел – Тукай районы башлыгы итеп Роберт Кави улы Шәкүров билгеләнә.
2002 ел – Тукай районы башлыгы итеп Таhир Нурулла улы Хөрмәтуллин билгеләнә.
2010 ел – Тукай районы башлыгы итеп Васил Гариф улы Хаҗиев билгеләнә.
2016 ел – Эмиль Тәлгать улы Җиһаншин милли көрәш буенча Дөнья чемпионы була.
2016 ел – 117 мең 495 тонна уңыш җыела hәм 98 мең 103 тонна бөртекле культура реализацияләнә.
2016 ел – Тукай районы «Мәгариф өлкәсендәге югары күрсәткечләре өчен» диплом белән бүләкләнә.
2018 ел – Тукай районы башлыгы итеп Фаил Камаев билгеләнә.
2019 ел – район республика муниципалитетларының социаль-икътисадый үсеше рейтингында бишенче урынга күтерелә.
2019 ел – район игенчеләре бөртеклеләрдән 175 мең тонна уңыш җыеп ала. Татарстан Республикасында Тукай районы беренче урынны яулый. 
2019 ел – Тукай районы «Ак калфак» бөтендөнья татар-хатын кызлары иҗтимагый оешмасы вәкилләрен кабул итә. Күчмә утырышка Франция, Латвия, Белоруссия, Казахстаннан, Россия төбәкләреннән, республика районнарыннан hәм шәhәрләреннән 150 хатын-кыз килә.
2020 ел – район республика муниципалитетларының социаль-икътисадый үсеше рейтингында беренче өчлеккә керә.

Мәгълүматны район үзәкләштерелгән китапханәләр системасы әзерләде. 

/ Николай Туганов фотолары.