Район муниципаль берәмлекләре көч сынашты
Тукай районы администрациясе хезмәткәрләре 1 декабрьдән 4 декабрьгә кадәр Казанда узган муниципаль хезмәткәрләр Спартакиадасының чираттагы сезонының финал ярышларында катнаштылар.
Безнең район данын 10 катнашучы яклады, алар үз коллегалары белән шахмат, җиңел атлетика һәм бадминтон уенында көч сынаштылар.
Яшьләр эшләре, спорт һәм туризм бүлеге башлыгы Илнур Гәрәев бадминтон буенча үз төркемчәсендә уңышлы чыгыш ясады. Гомумкоманда зачетында Тукай муниципаль районы командасы сынатмады.
Спартакиада республикада 11 нче тапкыр үткәрелде. Ел дәвамында муниципаль хезмәткәрләр тугыз спорт төрендә ярыштылар: чаңгы узышлары, волейбол (ирләр һәм хатын-кызлар), өстәл теннисы, бильярд, шахмат, җиңел атлетика, бадминтон, мини-футбол һәм йөзү
Следите за самым важным и интересным в Telegram-каналеТатмедиа
Нет комментариев