Якты юл

Тукай районы

Рус Тат
Яңалыклар

Очрашулар күңелләрне кузгатты

Авыл җирлекләрендә өлкәннәребезне олылап чәй өстәлләре янында очрашулар, концерт-кичәләр булып үтте. Әйтик, Әҗмәкәй авыл җирлегенең мәдәният йорты хезмәткәрләре, иң баштан, Яңа Сарайлы, Иске Гәрдәле, Әҗмәкәй авылларында яшәүчеләрне бәйрәм белән җылы котлап чыкканнар, ә бәйрәм чарасын Яңа поселогында оештырганнар.

- Яңа поселогының мәдәният йорты фойесында килгән әби-бабайлар чәй өстәле янында очрашты. Аларны Әҗмәкәй авыл җирлеге башлыгы Марат Фазылҗанов котлады, исәнлек-саулык, балалар игелеге теләде. Соңын­нан сәхнәне балкытып, мәдәният йорты хезмәт­кәр­ләре чыкты. Алар җыелганнарга И. Абдуллинның «Әби белән шаяру» спектакленнән өзек тәкъдим иттеләр. Зөлфия Окунева матур җырларын бүләк итте. Хәйрия акцияләрендә катнашучы, күп кенә конкурслар лауреаты, җырчы Люция Мостафина чыгышын әби-бабайлар бик җылы кабул иттеләр. Өлкәннәребез бер-бер­се белән рәхәтләнеп аралашты, яшьлекләренә кире кайткандай булдылар, рәхәтләнеп концерт кара­ды­лар. Кичен исә җирлек халкы Яр Чаллы драма театры артистлары та­ра­фын­нан күрсәтелгән «Кияү абый» спектаклен ка­рады, дип хәбәр итте безгә Яңа поселогының китапханә мөдире Айгөл Габдрахманова.

- Шилнәбаш авылының «Ветеран» клубында авыл пенсионерлары белән очрашу үтте. Чарага әби-бабай­лар үзләре генә тү­гел, оныклары белән килгән иде. Фойеда пенсионерлар Светлана Голубина һәм Демида Петриванованың кул эшләреннән күргәзмә оештырылды, ул бөтен кешенең дә күңеленә хуш килде. Очрашуыбызны без­ та­нышу белән башлап җибәрдек. Бәйрәмгә килүчеләргә оныклары әбиләре турында җыелганнарга сөйләде, аларга багышлап шигырьләр укыды. Аеруча да Лиана Солтанярова, Стелла Хуснекаева, Лу­иза Шәрәфиева, По­ли­­на Бельская, Демид Пет­­ри­­ва­нов ак­тив бул­ды­­лар. Алар би­шек җыр­ларына кадәр өй­рә­неп, бәйрәмебездә өлкән­­нәр­гә җырлап күр­сә­т­теләр. Соңын­нан әби­-бабайларыбыз «Әки­ят­­ юл­­­лары буйлап» дип исем­­­ләнгән викторина­да­ катнашты. Яшь әби дә, әни дә кеше Гөлнар Петриванова үзе язган нә­серне укыды. Әлеге нәсер аның әбисе истәлегенә багышланган иде. Җыелган өлкәннәребезгә без «Чуар тавык» әкиятен сәхнәләштереп күрсәттек (әби ролендә - Нурзилә Бариева, бабайны Гөлназ Солтанярова уйнады). Ә Татьяна Васина «Әбием минем» («Бабушка моя»), Лиа­на Солтанярова «Бо­лыт­­лар» («Облака») җы­рын башкардылар. Со­ңын­­нан II сыйныф уку­чы­­лары Стелла Хуснекаева, Луиза Шәрәфиева һәм Лиана Солтанярова «Токымсыз мәче» («Кошка безпородная») дигән җырларын әбиләренә бүләк ит­теләр. «Ветеран» клубында үткән әлеге очрашуыбыз бик җылы мохиттә үтте, бөтен кешенең дә күңеленә хуш килде, дип язган редакциябез почта­сына Шилнәбаш авылы­ның китапханә мөдире һәм «Ветеран» клубының җитәкчесе Нурзилә Ба­рие­ва.

- Теләнче Тамак авылы­­ның картлар һәм ин­валид­лар интернат-йортын­да армспорт һәм шаш­ка-шахмат уеннары буенча спартакиада үт­кә­релде. Бөтен өлкәннәр дә­ бик теләп катнашты. Н­әти­җәдә армрестлинг бу­енча беренчелеккә Алек­сандр Дон­сков һәм Фәйрүзә Мул­­лина чыкты. Дартс уеннарында Шәйхеләгъзәм Шәйхразиев белән Люд­мила Чупринага тиңнәр бул­ма­ды. Шахмат уеннары буенча беренчелектә Ра­фик Ямалиев белән Ярия Зиатдинова чыкты. Шашка уеннары да бик кызу барды. Анда беренче урынны Альберт Хәйретдинов бе­лән Әнисә Стяжкова яу­лады. Өлкәннәр әлеге спорт уеннарын елдагыча кө­теп алалар һәм алар өчен ул чын бәйрәмгә әверелә, дип хәбәр итте безгә ТРның физкультура һәм спорт отличнигы Ярия Зиатдинова.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев