Муен кыенлык тудырса...

Җил тисә дә авырта, нерв киеренкелегеннән дә, башка сәбәпләр белән дә. Халык медицинасы бу уңайдан төрле киңәшләр бирә.
Җылыта торган компресс ясагыз: керән тамырын эре угычта уып, 2-3 аш кашыгы теләсә нинди май кушыгыз да барлыкка килгән ботканы марляга салып, авырткан урынга куегыз. Өстеннән целлофан белән урап, шарф чорнап куегыз. Компрессны 20 минут тотыгыз.

Икенче рецепт: балны аз гына “су мунчасы”нда җылытыгыз, аннары массаж хәрәкәтләре белән авырткан урынга ышкыгыз. Целлофан пленка куеп, шарф урагыз. Бер сәгатьтән компрессны алыгыз.

Өченче рецепт: торманың яртысын угычтан уып, аңа 3 аш кашыгы аракы һәм шуның кадәр үк үсемлек мае салып болгатыгыз. Катнашманы авырткан урынга сылап, өстенә целлофан пакет куегыз һәм җылы итеп ураныгыз. Компрессны ярты сәгать тотарга кирәк.

Фото: s30224928109.mirtesen.ru