Мөрәҗәгатьләр карала

2011 елда район Советы һәм башкарма комитетына халыктан 7893 мөрәҗәгать кергән. Шуларның 7546сы - язмача, 328е интернет аша килгән. Мөрәҗәгатьләрнең 7240ы уңай хәл ителде, 545е урынга чыгып тикшерелде, дип хәбәр итте атналык киңәшмәдә хакимиятнең аппарат җитәкчесе Әсхадә Наврозова. 347 сорау шәхси кабул итү вакытында каралган. Мөрәҗәгатьләрнең 68 проценты - җир белән бәйле, 11 проценты - торак-коммуналь хуҗалыгы, 8 проценты - социаль яклау, 6,2 проценты - торак, 3 проценты транспорт мәсьәләләренә карый. Мөрәҗәгать итүчеләрнең шактый өлешен архивтан белешмә сорап килүчеләр тәшкил итә.

Мөрәҗәгатьләр бер ай эчендә карала, өстәмә тикшерү кирәк булмаганнарына 15 көн эчендә җавап бирелә.