Мәктәпләрдә чисталык дәресләре үтте

Татарстан Президентының 2012 ел, 20 октябрь Указы нигезендә яңа 2013 ел республикада экологик культура һәм әйләнә-тирә мохитне саклау елы дип игълан ителде. Бу турыда Татарстан Республикасы Министрлар Кабинетында үткән брифингта ТР экология һәм табигый ресурслар министры Артем Сидоров хәбәр итте. Аның кысаларында республикада табигатьне һәм әйләнә-тирә мохитне саклау буенча төрле чаралар планлаштырыла, аларга аеруча яшьләрне тарту күздә тотыла. Ел шундый чараларның берсеннән - мәктәпләрдә экологик белем бирү буенча "Чисталык дәресләре" үткәрүдән башланды. Безнең район мәктәпләренең дә һәрберсендә кичә әлеге темага дәресләр үтте.