Күп балалы гаиләләргә җир бүлеп бирелә

Районда бушлай җир алуга хокукы булган 270 күп балалы гаилә бар. Шуларның 58е 1 гыйнварга районның җир һәм милек мөнәсәбәтләре палатасына гаризаларын тапшырган. Андыйларга бер ел эчендә җир бүлеп бирелергә тиеш, дип аңлаттылар палатада. Гаилә өч тапкыр тәкъдим ителгән участоктан баш тартса, исемлектән төшерелә, әмма ул җир алуга хокукын югалтмый. Чиратка басучыларга шәхси номерлар бирелә, тиздән алар ярдәмендә бөтен кирәкле мәгълүматны интернет аша карап барырга мөмкин булачак.