Кырымдагыларга ярдәм итәләр

Кырымлылар Украинадан автономия булып бүленеп чыгу, Россиягә кушылу теләген белдерде. 16 мартта әлеге уңайдан референдум уздырылачак. Биредә сәяси хәл гаять катлаулы - Украина хакимиятенә килүчеләр моңа каршылык күрсәтә. Дөньяның төрле илләрендә, Россия шәһәрләрендә кырымлыларның үзбилгеләнешкә омтылуларын хуплап митинг, акцияләр уза. Ил күләмендә кырымлыларга ярдәм итү турында игълан ителде. Районыбызда яшәүчеләр дә бу гамәлгә кушылды. "Муниципаль район башлыгы Васил Хаҗиев, район хакимияте хезмәткәрләре бер көнлек хезмәт хакларын махсус счетка күчерделәр, бүтән оешма, предприятиеләр, шәхси граҗданнар да бу чарага кушылырлар дип ышанабыз",- диде район хакимияте аппарат җитәкчесе Эсхәдә Наврозова.