Хөрмәтле райондашлар!
Бүген иң әһәмиятле даталарның берсе – Совет гаскәрләрен Әфганстаннан чыгару көне. Еллар үтүгә карамастан, газиз улларын ут эченә озаткан аналарның, тау-таш араларында адым саен үлем сагалаган солдатларның йөрәгеннән әле һаман кан саркый.
Әфган сугышында хәрби хезмәттә якыннарын югалткан гаиләләргә тирән ихтирам белән мөрәҗәгать итәбез: бер минут тын калып, газизләрегез истәлеген олылыйк. Каршыгызда башыбызны иеп рәхмәт әйтәбез, һәркайсыгызга сабырлык, тыныч көннәр телибез.
Хөрмәтле сугышчы-интернационалистлар, армия хезмәтен кайнар нокталарда үткән ир-егетләр, уллары һәлак булган солдат аналары, якыннарын югалткан гаилә әгъзалары! Илгә тугрылыгыгыз һәм сугышчан батырлылыгыз – яшь буын өчен матур өлге. Инде килер көннәребез якты, күгебез аяз, киләчәгебез имин булсын. Чын күңелдән барыгызга да ныклы сәламәтлек, гаиләләрегезгә бәхет, хәерле озын гомер телим.
Муниципаль район башлыгы – Совет рәисе Фаил КАМАЕВ.
Следите за самым важным и интересным в Telegram-каналеТатмедиа
Нет комментариев