Кем өлгермәде, шул соңга калды

Районның җиде авыл җирлегендә – Мусабай Завод, Борды, Иштирәк, Калмия, Күзкәй, Круглое Поле, Боерган авыл җирлекләрендә үзара салым җыю 100 процентка үтәлде. Лидерлар арасында Кече Шилнә авыл җирлеге дә (97 процент) бар, ул дәүләт программасында беренче тапкыр катнаша. Иң түбән күрсәткечләр Кнәз (37 процент), Новотроицкое (33 процент), Бәтке (35 процент) авыл җирлекләрендә. «Эшлекле дүшәмбе» киңәшмәсендә район башлыгы Фаил Камаев әлеге авыл җирлекләре башлыкларының эшләрен оештырудан канәгатьсезлек белдерде. «Димәк, җирлектәге халык программаның асылын аңламый. Югыйсә, урындагы проблемаларны хәл итү өчен республиканың өстәмә финанс ярдәменнән файдалану начар булмас иде», – диде ул.