Кайда күпме сөт савалар?

admin, 27 июль 2021 - 17:08

464

Авыл хуҗалыгы һәм азык-төлек идарәсеннән 26 июльгә алынган мәгълүматларга караганда, район буенча тәүлеклек тулаем савым 95,2 тонна тәшкил итә. Бу узган елгыдан 4,7 тоннага артык. Тәүлеклек савым «Сәйдәшев исемендәге авыл хуҗалыгы предприятиесе»ндә генә арта, калган хуҗалыклар минуска эшли. Бер сыердан 18 килограмм сөт савып алына.

«Быел савым сыерларны җәйге лагерьларда асрау отышлы түгел, чөнки үләннәр кибеп, корып бетү сәбәпле, малларны ирекле көтүгә алып чыгуның мәгънәсе юк. Шуңа күрә 25 августка терлекләрне фермаларга кайтарырга кирәк», – диде хуҗалык җитәкчеләре киңәшмәсендә авыл хуҗалыгы һәм азык-төлек идарәсе башлыгы Рәшит Хәбетдинов. Ул шулай ук маллар өчен торакларда җилләтү һәм су бөркү системалары урнаштырырга һәм көйләргә кушты.