“Кадрлар резервы” проекты гамәлгә ашырыла

ТР Яшьләр эшләре, спорт һәм туризм министрлыгы "Татарстан Республикасының иҗади яшьләре академиясе" җәмәгать оешмасы белән берлектә "Кадрлар резервы - 2012" проектын гамәлгә ашыра.

Проект катнашучыларны идарә итәргә һәм оештырырга, аралашырга, командада эшләргә, креатив фикерләү булдырырга, үзеңдә ышаныч тудырырга, авырлыклар алдында куркып калмаска өйрәтүгә юнәлдерелгән. Финалга чыгучылар һәм проектта катнашучылар республиканың дәүләт хакимияте органнарында, төрле предприятиеләрдә стажировка үтәчәк, шулай ук 2013 елда Казанда үтәчәк җәйге универсиаданы оештыру эшендә катнашачак.

Проектта Татарстанда яшәүче 16-30 яшьлек егет-кызлар катнаша ала. Гаризаларны 2012 елның 20 сентябренә кадәр www.rezervrt.ru сайты аша бирергә кирәк. (843 231-81-61 телефонына шалтыратып, проект дирекциясенә мөрәҗәгать итәргә була.