Изге Болгар җыены

10 июньдә Изге Болгар җирендә узачак җыенда район башлыгы В. Хаҗиев җитәкчелегендәге имамнар һәм ветераннардан торган зур делегация катнаша. Әлеге чара елдан-ел колачлырак була бара. Быелгы җыенга да чит илләрдән кунаклар килүе көтелә. 8-9 июньдә Казан шәһәрендә Бөтенроссия татар имамнары форумы да узачак. Ул "Милли тормыш һәм дин" темасы астында үткәрелә. Биредә Россия төбәкләреннән 900 имамның катнашуы көтелә. Форумга районыбыз мөхтәсибе Җәүдәт хәзрәт Харрас та чакырулы.