Иң яхшы почтальоннарны бүләкләделәр

«Татмедиа» агентлыгы почтальоннар арасында конкурс үткәрде. 19 августта узган бүләкләү тантанасында җиңүчеләрне "Татмедиа" ААҖ генераль директоры Р. Бикмөхәммәтов котлады. "Иң яхшы авыл почтальоны" булып - Дания Госсамова (Баулы районы) табылды, икенче урында Фираса Зарифуллина (Актаныш), өченче - Зөлхия Харисова (Арча). Иң яхшы шәһәр почтальоннары арасында - Надежда Кольцова белән Любовь Хәмидуллина (икесе дә Яр Чаллыдан) һәм Наталья Овчаркина (Бөгелмә). "Кече шәһәрләр почтальоны" номинациясендә Гөлия Хатәмова (Буа), Юлия Герасимова (Норлат) һәм Лилия Пузанкова (Лениногорск) җиңделәр. Почтальоннарның барысы да диплом һәм акчалата премия белән бүләкләнде.