Әфган ветераны һәлак булган сугышчан дусларының әти-әниләренә бүләк итеп «Якты юл»ны яздырды

«Район берничә ел «КамАЗ»ның авыл хуҗалыгы зонасы булып йөргәннән соң, 1976 елда Тукай районы (Чаллы районы иде) буларак кабат оешты. Шул ук елның августында ике телдә чыга торган «Якты юл» («Светлый путь») газетасының беренче саны дөнья күрде. Шуннан бирле, кырык ел буена, мин район газетасына ел саен язылып, һәр санын укып барам.

Җәмгыятьтәге кебек үк, газетада да үзгәрешләр булды. Аның эшләнеше камилләшә бара, газета трибунасын бүген төп идеология чыганагы дисәң дә була. Бу исә иҗат коллективына олы җаваплылык йөкли. Газета бүген, чын мәгънәсендә, район тормышының көзгесе. Гомер буе шушы районда эшләгәч, аның һәр санын көтеп алам, районыбыз тормышы кызыксындыра. Аның битләрендә рәсми хәбәрләр, мәдәният, мәгариф, яшьләр темасы, спорт чараларыннан репортажлар, әдәби сәхифәләр, белгеч, төрле өлкәдәге табиблар киңәшләре - барысы да бар. Шуның өстенә җомга санында республика матбугатыннан «Атналык» кушымтасында бик күп файдалы, кызыклы мәгълүматлар бастырыла. Юбилейлар белән котлауларны да газета бик үзенчәлекле, бай эчтәлекле итеп биреп бара. Барысы да яхшы, тик даими укучы буларак, теләгемне дә белдерәсем килә: авыл хуҗалыгы, крестьян-фермер хуҗалыклары, аларның үсеш юллары, икътисади хәле, башкалар өйрәнерлек тәҗрибә уртаклашулар да булса, тагын да яхшы булыр иде.

Мин шушы районда яшәп, эшләп, үзенең газетасына язылмаучыларга хәйран калам - газета бит ул синең өеңә үзенең хәбәрләрен төяп килеп керә торган көтелгән кунак».

Әнисә Зиннәтуллина,
Татарстанның атказанган икътисадчысы.