Әниләрне зурлыйбыз

Район башкарма комитетында Әниләр көнен үткәрү турында карар кабул ителде. Аның кысаларында төрле чаралар үткәрү планлаштырыла. Тәрбиягә бала алган гаиләләрне чакырып "Рәхмәт, әнием!" - "Спасибо, мама!" дип аталган кичә уздыру, Казанда "Әниемә - чәчәк бәйләме" дип исемләнгән тантанада катнашу, "Ана сертификаты" тапшыру, яшәү шартлары авыр булган гаиләләргә бару, аларга матди ярдәм күрсәтү, авыл җирлекләрендә әниләрне котлап кичәләр уздыру, мәктәпләрдә әниләргә багышланган сыйныф сәгатьләре, ата-аналар җыелышлары үткәрү, уллары кайнар нокталарда һәлак булган әниләрне зурлау, картлар интернат-йортында яшәүче хатын-кызларны котлау күздә тотыла.