Элемтә бүлекләре бәйрәм көннәрендә дә эшләячәк

Татарстанда яшәүчеләр май бәйрәмнәрендә почта күрсәтә торган бар хезмәтләрдән дә файдалана алачак. Клиентларга өзеклекләрсез хезмәт күрсәтү максатыннан махсус эш режимы каралды, почталар 30 апрельдән 2 майга кадәр һәм 7-10 май көннәрендә эшләячәк, дип хәбәр итә "Татарстан почтасы" матбугат хезмәте. 30 апрель һәм 8 майда эш көне бер сәгатькә кыскара. 1 һәм 9 май - ял көннәре. 2, 7 һәм 10 май көннәрендә почта элемтәсе һәм клиент залларында гадәти режимда хезмәт күрсәтеләчәк. Бәйрәм көннәрендә пенсия һәм пособиеләр РФ Пенсия фондының төбәк бүлекчәләре белән килешенгәнчә өләшенә.