Егетләр әзерләнә

14-15 октябрьдә Баулы шәһәренең "Ласточка" балалар бакчасында укучылар арасында хәрби спорт төрләре буенча "Илебезне сакларга әзерләнәбез" дигән республикакүләм ачык бәйге узды.

Анда безнең район данын Кнәз урта мәктәбенең VII сыйныф укучылары яклады. "Противогаз кию" һәм "Пневматик винтовкадан ату" номинацияләрендә - I урынны, футбол белән җиңел атлетика эстафетасында III урынны яулап, яшүсмерләребез гомумкоманда исәбендә III урынны алып кайттылар, дип хәбәр итте мәктәптән тыш эшләр үзәге директоры Г. Гәрәева.