Чаллыда “Мин татарча сөйләшәм!” акциясе үтә

Икенче көннең программасы автохәрәкәттән башлана. Анда акциянең әләмнәре һәм логотиплары да урын алачак. Автомобильчеләр шәһәребезнең берничә проспектын узып, татар яшьләренең татар телен сакларга тырышу инициативасын күрсәтәчәк. Соңрак акция Энтузиастлар бульварында күңелле конкурслар, ялкынлы җырлар, буклетлар, түштамгалар һәм эмблемалар тарату белән дәвам итәчәк. Волонтерлар "Сез татар телен беләсезме? Белсәгез, ни дәрәҗәдә? Телне өйрәнергә теләр идегезме?" кебек сораулар белән гражданнар арасында социаль сораштыру үткәрәчәк. Акцияне Кама дәүләт инженерлык-икътисад академиясе "Чулман" яшьләр берләшмәсе, «Татар Production» иҗади берләшмәсе оештыра, дип хәбәр итте, "Чулман" яшьләр берләшмәсе әгъзасы Венера Шәйхразиева.