Борды җырчылары Россияне яулый

Үткән якшәмбедә Борды авылының «Борды» керәшен халык фольклор ансамбле 23-25 июль көннәрендә Нижегородск өлкәсендә үткән «Хрустальный ключ» Бөтенроссия фольклор ансамбльләренең фестиваль-конкурсында катнашты. Илнең 28 почмагыннан килгән иҗат төркемнәре белән көч сынашып, Борды авылы ансамбле үзләренең дәртле, кабатланмас җырлары белән жюри әгъзаларының мәхәббәтен яулый алды. Алар бертавыштан җиңүне нәкъ безнең район артистларына бирде. Әлеге фестивальдән бордылылар I дәрәҗә дипломга ия булып, матур тәэсирләр белән кайтты, дип хәбәр итте Борды авылының сәхнә сөючесе Тамара Кузьмина.