Берьюлы ике тамаша

5 ноябрь көнне Борды авылы мәдәният йортында Чиләбе циркы балаларга тамаша куйды. Һәр чыгышны балалар бик яратып кабул иттеләр.

Ә кичен Яр Чаллы татар дәүләт драма театры артистлары сәхнәгә куйган Әсфир Ягудинның "Китмәскә килгән кошым" комедиясен карарга мәдәният йортына өлкәннәр җыелды. Халыклар бердәмлеге һәм Татарстан Республикасы Конституциясе көннәре уңаеннан бу бүләкне бордылыларга "Тукай азык-төлек корпорациясе" директоры Мөсәнниф Ханов ясады, дип халык исеменнән рәхмәтләрен җиткерәләр авылның мәдәният хезмәткәрләре.