Бердәм дәүләт имтиханнары турында фикер алыштык

Шушы көннәрдә Яр Чаллы шәһәренең 56 нчы мәктәбендә муниципаль районнарның координаторлары һәм мәгълүматлар базасы операторлары катнашында 9 һәм 11 чыгарылыш сыйныф укучыларына дәүләт аттестациясе үткәрүгә багышланган семинар-киңәшмә узды. Аны ТР фән һәм мәгариф министрлыгының укучыларга белем бирүнең һәм аттестацияләүнең сыйфатына мониторинг үткәрү бүлеге һәм "Белем бирү сыйфаты мониторингының республика үзәге" дәүләт учреждениесе оештырды. Дәүләт аттестациясен үткәрүнең үзенчәлекләре, норматив-хокукый һәм методик яктан тәэмин ителеш, персональ мәгълүматларның саклануын тәэмин итү белән бәйле мәсьәләләр хакында эшлекле сөйләшү булды, дип хәбәр итә район мәгариф бүлеге башлыгы урынбасары Венера Шакирова.