Автобуслар «кышкы расписание»гә күчә

12 октябрьдән Боерган - Яр Чаллы маршруты кыскарды. Җәй көне анда 8 рейс эшләсә, хәзер алар 3әү калды.

1 ноябрьдән Нефтебаза - Яр Чаллы маршруты кыскара, анда 11 урынына 5 рейс кала. Күзкәй - Яр Чаллы арасында исә нибары 1 рейс эшләячәк. Иске Абдул - Яр Чаллы маршрутында автобуслар атнаның өч көнендә - җомга, шимбә, якшәмбедә генә йөриячәк.

Район пассажирлар ташу союзы башкарма директоры Равил Төхбәтуллинның әйтүенчә, бу үзгәрешләр кышкы чорда пассажирлар санының кимүе белән бәйле. Ул шулай ук маршрутлар йөрисе юлларның торышын тикшерү максатыннан комиссия белән чыгачакларын да билгеләп үтте.