Акчасыннан колак каккан

admin, 17 март 2021 - 15:30

798

Узган атнада район Эчке эшләр бүлегенең дежур частена 142 мөрәҗәгать кергән.

10 мартта Чаллының 49нчы комплексында Әҗмәкәй авылында яшәүче ир-ат тоткарланган. Шәхси тикшерү вакытында хокук саклаучылар аның кесәсеннән порошок хәлендәге ачык төстәге матдә салынган бер полимер пакет алганнар. Тикшерү әлеге порошокның составында N-метилэфидрон наркотик матдәсе булуын билгеләгән. РФ Җинаять Кодексының 228 маддәсе 2 өлеше буенча әлеге ир-атка карата җинаять эше кузгатылган.
8 март көнне «бла бла кар» интернет-сылтамасыннан файдаланган 24 яшьлек ир-егет (Шилнәбаш авылында яшәүче) карталарындагы 17 мең сумнан артык акчасыннан колак каккан. Җинаять эше кузгатылган, ләкин ачылмаган.
Шул ук көнне Бәтке авылында исерек килеш руль артына утырган 38 яшьлек ир-ат хокук саклаучыларга эләккән. Аңа карата да җинаять эше кузгатылган.