64 яшьлек ир-ат югалган

Район Эчке эшләр бүлеге 1951 елның 4 августында Күгәш авылында туган, бүген дә шунда яшәүче Рәшит Гаптелбаян улы Сабировны эзли. Ул 2015 елның 3 октябрендә өеннән чыгып киткән һәм шул көннән бирле бер хәбәре дә юк.

Ир-атка якынча 60-65 яшь бирергә була, буе 160-170 см тирәсе, ябык гәүдәле, чәчләре чал, бөдрәрәк, артка тарап куелган, йөргәндә ир уң аягына аксый.

Өеннән чыгып киткәндә кара вельвет пиджактан, кара спорт чалбарыннан, кышкы кара сапогидан, колаклы кара кепкадан булган. Аерым билгесе - уң кулының урта бармагы сынган. Рәшит Сабировның кайдалыгын белүчеләрнең 8 (8552) 71-44-81 телефоны аша хәбәр бирүләре сорала.