Якты юл
  • Рус Тат
  • Авылым,кешеләрең синең

    • 22 октябрь 2020 - 11:05
      Үз эшенә бирелгән 
      Бу язмам безнең авылдашыбыз, уңган-булган хатын-кыз, ышанычлы тормыш юлдашы, сөйкемле әни, әби Әлфия Шәйхрази кызы Портнова турында. Шушы көннәрдә ул үзенең 50 яшьлек юбилеен билгеләп үтте. Ире Владимир Михайлович белән алар ике бала үстерделәр, бүген өч оныкларының яраткан әбиләре һәм бабайлары. 
      59
      0
      0
    • 20 октябрь 2020 - 12:15
      Авылны Фәнис кебекләр яшәтә
      Әңгәмәдәшем – «Ярыш» хуҗалыгының алдынгы механизаторы Фәнис Шәмсиев бик тыйнак егет булып чыкты. Керә-керүгә үк: «Журналистларның гадәтен беләм мин, берүк артыгын яза күрмәгез. Йөккә бер җигелгәч, авыр дип тә тормыйсың, көчеңнән килгәнчә эшлисең инде ул. Тракторга утыраммы, комбайн штурвалы артындамы, мин дөньямны, вакыт агышын онытам», – дип каршы алды ул.
      134
      0
      0
    • 19 октябрь 2020 - 11:20
      Яхшы яктан танылган
      Авыл җирендә гомер итүче кешедә уңганлык сыйфаты булу – иң мөһим таләпләрнең берсе. Гәрчә, кул хезмәте инде еракта калды, дияргә яратсак та, җир кешесенең эше кимемәде. Хәзер авыл хуҗалыгында хезмәт куючы механизаторлар акыллы техника белән идарә итә алучы квалификацияле белгеч булырга тиеш. Шуңа да саллы хуҗалыкларда һәм агрокомплексларда эшкә яшьләрне җәлеп итүнең төрле ысулларын кулланалар.
      120
      0
      0
    • 18 октябрь 2020 - 13:35
      Бәрәңге игүнең үз җае бар
      Авылда үскән бала кул арасына керә башлауга ындырга чыгып бәрәңге чүпли башлый. Нәрсә, нәрсә, ә бәрәңге утырту, аның төбен өю, чүбен утау һәм бәрәңге алу һәммәбезнең дә кулыннан килә торган эш. Бар иде заманалар, бәрәңге бакчасына җәй буена ике тапкыр керә идек: чүбен утарга һәм төбен өяргә. Сентябрь урталарында кызыл, алсу, ак, сары төстәге эре бәрәңгене казып, чүпләп кинәнгән буынга бәрәңге үстерү гади генә эш иде. Хәзер менә «Бәрәңге генә димә икән» дияргә туры килә. 
      230
      0
      0
    • 18 октябрь 2020 - 10:40
      Эшлибез! Ник эшләмәскә?!
      «Вәгыйз Миргалим улы Миннегатуфов – булдыклы кеше. Уңганлыгы нәселдән килә дип уйлыйм. Миргалим абзый да гомер буе «Татарстан» совхозында тракторчы булды. Әнисе Мосаллия апа да колхозның бер эшеннән дә калмады. Вәгыйз эшкә, тормыш-яшәешкә карашы белән әти-әниләр буынына охшаган. Аерма шунда гына – безнең әти-әниләр ал-ял күрмичә эшләделәр. Аларның авыр хезмәте түбән бәяләнде. Ә хәзер авыл хуҗалыгы тармагында тырышып эшләүче кешенең хезмәт хакы лаеклы. Алар тиешенчә ял да итәләр», – ди крестьян-фермер хуҗалыгы җитәкчесе Таһир Нурулла улы Хөрмәтуллин. 
      199
      0
      0
    • 14 октябрь 2020 - 11:35
      Шойгудан – медаль!
      Һәр солдатка да Россия Федерациясе оборона министры Сергей Шойгудан медаль бирелмидер, мөгаен. Ә менә безнең районның Борды авылы егете Әмирхан Галиевка шундый бәхет елмайды. Хәрби хезмәттә югары күрсәткечләргә ирешкәне һәм армиядә хезмәт иткәндә күрсәткән батырлыгы өчен ул II дәрәҗә «Хәрби батырлык өчен» медале белән бүләкләнде.
      455
      0
      0
    • 13 октябрь 2020 - 12:15
      Машинам – гомерлек юлдашым
      Әҗмәкәйдә туып-үскән Наил бәхетне читтән эзләмәгән. «Туган җиргә береккән кеше мин. Язын пар күтәрелгән басу-кырларда тургай җырыннан, урып-җыю чорында яңа өлгергән ашлыкның хуш исләреннән, тук башаклы басу юлларыннан башка яшәешемне күз алдына китерә алмыйм. Шуңа да авыл хуҗалыгында хезмәт куюны авыр эш итеп кабул итмәдем. Шунда тудым, шушында хезмәт итәм», – ди «Гигант» ҖЧҖдә 44 ел буе машина йөртүче Наил Хөсәенов. 
      378
      0
      1
    • 12 октябрь 2020 - 11:25
      Яңа җирдә үз кеше булдык
      «Урал таулары битендә урнашкан Первоуральск шәһәрендә кеше фатирында түләп яши идек. Берничә көнгә тарихи ватаныбызга – Татарстанга, Тукай районы Яңа поселогындагы туганнарыбызга кунакка кайттык. Алар безне җылы каршы алдылар. Шунда «Гигант»та авыл хуҗалыгы тармагында эшләргә теләге булган гаиләле яшьләргә торак бирелүен, эш шартларының, хезмәт хакларының яхшы булуын белдек. «Гигант» ҖЧҖ идарәсенә кереп җитәкчелек белән сөйләштек. Риф Имамов бездә яхшы тәэсир калдырды. Туганнар белән утырып сөйләштек-киңәшләштек тә, монда күченеп кайтырга булдык», – дип искә ала Далира белән Рамил Шәйхетдиновлар. 
      427
      0
      0
    • 11 октябрь 2020 - 11:30
      Минем сыерларым акыллы
      «Гигант» хуҗалыгының сыер савучылары районда һәрвакыт беренчеләр рәтендә. Узган ел районның иң алдынгы сыер савучысы исемен бу хуҗалыкта эшләүче Әлфирә Солтанова яулаган иде. Быел исә бу исемгә 30 ел «Гигант»та хезмәт куючы Елена Гәрәева лаек булды. Ул район башлыгының мактау грамотасы һәм мультиварка белән бүләкләнде.
      377
      0
      0
    • 10 октябрь 2020 - 13:20
      Яхшы эшли, матур яши
      Гөлия һәм Илгиз Сәлимовлар – Яңа Сарайлыда иң актив һәм хөрмәтле гаиләләрнең берсе. Алар авылдашларын бер йодрыкка туплап, олы бер гаилә кебек яшәтәләр.
      613
      0
      3
    • 9 октябрь 2020 - 10:40
      Күз курка, кул эшли
      Лилия һәм Фларид Җиһангировлар – «Гигант» ҖЧҖ хезмәтчәннәре. Алар моннан алты ел элек Яңа поселогына Екатеринбургтан кайтып урнашканнар. 
      542
      0
      0
    • 7 октябрь 2020 - 10:45
      «Йолдызлык»та – безнең йолдыз!
      Айсылу Тошева – Тукай районының яшь, талантлы кызы. Казанда ел саен уздырыла торган «Созвездие – Йолдызлык» эстрада сәнгатенең ХХ Республика телевизион фестивалендә ул III дәрәҗә лауреат исеменә лаек булды. 
      469
      0
      0
    • 4 октябрь 2020 - 11:40
      Укучы рәхмәте – иң олы бүләк 
      Сәмәкәй төп гомуми белем бирү мәктәбе ике ел рәттән районда гомуми рейтинг буенча тугызьеллык мәктәпләр арасында I урын алды. Биредә 46 балага 12 педагог белем һәм тәрбия бирә. Укытучыларның икесе югары, унысы беренче категориягә ия. 1980 елдан бирле мәктәп директоры булып хезмәт куючы тәҗрибәле педагог Миргасим Галимҗан улы Галимҗанов: «Иң зур байлыгыбыз – сәламәт, тәрбияле укучыларыбыз һәм дус-тату коллектив. Без – бердәм. Бер-беребезгә һәрвакыт ярдәмгә килергә әзер. Бу – җитәкче өчен зур бәхет. Үзебез сайлаган язмышыбызга рәхмәтле булып, тырышып эшлибез. Хезмәттәшләремне һөнәри бәйрәмебез белән котлап, ихластан рәхмәтемне дә әйтәм», – ди. 
      435
      0
      0
    • 28 сентябрь 2020 - 12:45
      Безнең Гөлчирә апа
      Туган авылым Оргыды кешеләре турында язмаларым район газетасы битләрендә еш басыла. Инде якты дөньяда булмаганнарын да сагынып искә алам, язмаларым рухларына дога булып барсын, дим. Алар бит безне тәрбияләгән, үстергән кешеләр. Бу язмамда Оргыды авылында туып-үскән, гомере буе шунда эшләгән, авыл яшьләренә тәрбия биргән Исхакова Гөлчирә апа турында сөйләргә телим. 
      383
      0
      0
    • 12 сентябрь 2020 - 13:10
      Йөзенче бала
      Гөл, чәчкә тирә-юньне ямьли, күзләрне иркәли, хуш исе җанга рәхәтлек бирә. Нарасый, сабый, балалар да нәкъ шулай ук. Юкка гына: «Балалар – тормыш чәчәкләре» димәгәннәр. Үзвакытында тиешле тәрбия күреп үскән балалар гаилә, җәмгыять тоткасы, милләтнең киләчәге. Җәмгыятебезнең тотрыклы, киләчәгебезнең өметле булуы ата-аналардан тора. Яшерен-батырын түгел, илебездә демографик хәл кискен тора – туучылар саны азая, үлүчеләр арта. Шундый вәзгыять хөкем сөргән вакытта матур хыяллар, якты өметләр белән яшәүче күп балалы тату гаиләләрнең булуы киләчәккә ышаныч уята. Яңа Троицкое авыл җирлегенә кергән Суровка авылында яшәүче Алевтина Борисовна белән Евгений Васильевич Титинечколарның биш ай элек алтынчы балалары дөньяга килде. 
      227
      0
      0
    Реклама