Батырлар онытылмый

автор, 18 март 2012 - 08:50

767

17 мартта Мәләкәс урта мәктәбендә танылган спорт остасы, тренер Василий Николаев истәлегенә 1995-1997 елларда туган яшүсмерләр арасында татар-башкорт көрәше буенча ярышлар узды.

Василий Порфирьевич авыр атлетика буенча, милли спорт төрләре буенча спорт мастеры дәрәҗәсенә ирешкән, күп кенә яшьләрне олы келәмгә алып чыккан хөрмәтле шәхес. Әлеге көрәш бәйгесенә килүчеләр аны җылы сүзләр белән искә алды. Көч сынашуда батырның якташлары Зәй районыннан килгән кунаклар һәм Тукай районы яшь спортчылары катнашты. Аларның һәрберсенә истәлекле бүләкләр ташырылды. Ярышка танылган көрәш осталары Айрат Гыйлаев, Хәмит Рәкыйповлар да килгән иде.