Якты юл
  • Рус Тат
  • Алия Шәмсиева Дөнья чемпионатыннан бронза медаль белән кайтты

    1-8 сентябрь көннәрендә Польшаның Гдыня шәһәрендә армспорт буенча Дөнья чемпионаты үтте. Түбән Суыксу авылы кызы Алия Шәмсиева анда катнашып III урынны алып кайтты.

    Алия - өч мәртәбә Татарстан Республикасы чемпионы, ике мәртәбә Россия Беренчелегенең бронза медале призеры, Россиянең Идел буе Федераль округы Беренчелеге чемпионы, Россиянең спорт мастеры. Алияне район башлыгы Васил Хаҗиев та җылы котлады һәм рәхмәт хаты тапшырды.
    - 45 ил арасында шундый мәртәбәле урынга чыгуыма үзем дә шатланам. Минем авырлык категориясендә I урынны Англия, II урынны Украина спортчылары алды. Тренерым Мөсәвир Әгъзамов белән киләсе ярышларда беренчелеккә тырышырга кирәк дип торам. Ә форсаттан файдаланып, Польшага барырга булышкан өчен "Тукай җылылык газ оешмасы" директоры Вахит Насыйбуллинга аерым рәхмәт әйтәсем килә, - ди Алия.

    Нравится
    Поделиться:
    Реклама
    Комментарии (0)
    Осталось символов: