Прививка ясаттыгызмы әле?

Табиб-эпидемиолог Сергей Вдовин сүзләренә караганда, вакцина алучылар саны 300дән артып киткән. Хәзер медицина персоналының авыллардагы фельдшерлык пунктларына чыгу мөмкинлеге дә бар, алар вакцинаны тиешле температурада саклый һәм йөртә торган торган махсус контейнерлар белән тәэмин ителгән. Авылларга чыгу планлы рәвештә оештырыла. Ә прививка ясатырга ниятләгән кешеләр район үзәк дәваханәсенә килеп тә, 46-31-02 телефонына шалтыратып та алдан языла алалар. Авылда яшәүчеләргә үз фельдшерларына мөрәҗәгать итәргә кирәк. Прививкага язылу мөмкинлеге «Госуслуги» порталында да бар. Үз сәламәтлеге турында кайгырткан һәр кеше вакцина алу турында җитди уйланырга тиеш, диләр медицина хезмәткәрләре.