Икесе дә терелгән

admin, 16 февраль 2020 - 10:20

870

Россиядә коронавирус инфекциясеннән ике кеше авырый иде, икесе дә – Кытай гражданнары.

11 февраль көнне аларның берсен – студент кызны – Төмәндәге больницадан дәвалап чыгарганнар. Икенчесе 12 февраль көнне Читадагы больницадан чыккан. Алар белән контакта булган кешеләрдә вирус табылмаган.
Мәгълүмат чараларындагы хәбәрләргә караганда, соңгы берничә тәүлектә вирус таралган илләрнең саны үзгәрмәгән, алар хәзер дә 28. Дөньяда авыручылар саны 44 меңнән артып киткән, үлүчеләр 1113 кеше.