Яңа бәйге игълан итәбез!

Яз - табигатьнең һәм адәм балаларының хисләре уянган, үзенә тиң пар эзләгән һәм тапкан, иң ямьле вакыт. Вәгъдә иткәнчә, "Якты юл" газетасы яңа бәйге игълан итә . Һәм аны, шушы ягымлы ел фасылына туры китереп, "Иң матур пар" дип атадык.

Бәйгедә Тукай районында яшәүче парлар катнаша . Яшь буенча чикләүләр билгеләмибез, алтын туен билгеләп үткән әби-бабай да, беренче тапкыр назлы хисләрне кичерүче яшүсмерләр дә безгә үз фотосын юллый ала. Электрон почтабызның адресы : yakti.ul76@gmail.com . Җиңүчене, гадел булсын өчен, тавыш бирү юлы белән билгеләячәкбез. Бәйге апрель азагына кадәр дәвам итәчәк.

Исегезгә төшерәбез, тавыш бирү өчен башта сайтның баш битендә (уң якта ) урнашкан катнашучылар фамилиясе каршына түгәрәккә басабыз , аннары астарак куелган "әйе" дигән язуга басабыз. Ачылган биттә катнашучыларның шушы вакытка җыйган тавышлары күренәчәк.

Барыгызга да уңышлар телибез һәм хатларыгызны көтеп калабыз!