Якты юл
  • Рус Тат
    • Редакция бәйгеләре

    Гаҗәеп курчак тегүче һәм чигүче оста

    автор, 4 декабрь 2014 - 10:54
    1551
    0
    0

    Бәтке авылында алтын куллы оста - Лапаева Эльза Всеволодовна яши. Бик күп еллар ул мәктәптә һәм ПЛ-76 да белем бирде. Һәм гомер буе аның куллары тынгылык белмәде - һәрвакыт ниндидер шөгыль таба, тегә, чигә. Эльза Всеволодовна барысын да эшли белә, хәтта комбайнны да төзәтә, тик аның кулыннан килгән иң яхшы...

    Бәтке авылында алтын куллы оста - Лапаева Эльза Всеволодовна яши. Бик күп еллар ул мәктәптә һәм ПЛ-76 да белем бирде. Һәм гомер буе аның куллары тынгылык белмәде - һәрвакыт ниндидер шөгыль таба, тегә, чигә. Эльза Всеволодовна барысын да эшли белә, хәтта комбайнны да төзәтә, тик аның кулыннан килгән иң яхшы эш- чигү һәм борынгы технология буенча тегелгән курчак-хатыннар...Чигүнең барлык төр технологияләрен белә ул, ә менә тапкырлап чигүдә аңа тиңнәр юк! Аның бүлмәсенә керәсең дә туктап каласың - стеналар чигешләр белән тулган, сугыштан соңгы чорда, буялган җепләр кулланылып чигелгәннәре дә сакланып калган, алар - безнең гаиләгә аеруча кадерле.
    Ә тагын безнең әниебез элек һәр хуҗабикәнең аш бүлмәсендә булырга тиешле кирәк-яракларның бер өлеше булган курчаклар тегә. Бу - чәйнек, чуен , ә хәзерге заманда кәстрүлне дә каплый торган курчак -хатыннар. Әлеге технологияне әниебез күптән белә, тукыма өлешен, чүпрәкне, җылылык өчен эчлек тукымасын һәркайсын сайлап ала, җыя, туры китерә, кисә һәм ...искиткеч курчакларны җитештерү процессы башлана! Купшы итеп киенгәннәр, матурлар, рус, татар, чегәннәр, бай хатыннар...
    Шулай ук ул сакчы курчаклар да тегә. Безнең фатирның аш бүлмәсендә дүрт курчак эленеп тора - ЯЗ, КЫШ, ҖӘЙ, КӨЗ, барысы да ачык төсләрдә, матур. Әни аларны теккәндә догалар укыды... Аның иреннәре нәрсә турында пышылдагандыр, Алланың бер үзенә генә мәгьлүм, тик бу матур курчаклар безнең фатирга күчүгә, безгә бәхет ишек шакыды! Менә теләсәгез ышаныгыз, теләмәсәгез -юк! Һәм бу курчакларны бүләк иткән һәркемгә әни үзенең яхшы кәефен, күңеленең бер өлешен дә бирә, шуңа күрә хуҗаларын сөендерә дә инде бу курчаклар! Чәйнек тә, әзерләнгән ашлы кәстрүл дә курчак-хатын белән капланса, озак вакыт җылы тора, һәм хәтта тәмлерәк тә сыман! Кич, тынлык. Әнинең җырлавы ишетелә... Димәк, тиздән дөньяга тагын бер матур, җылы, чын күңелдән эшләнгән әйбер өстәләчәк һәм курчак тагын ясалган иреннәре белән аны кулына алган һәркемгә елмаячак!
    Марина Орлова.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2021. Якты юл ("Светлый путь"). Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Якты юл ("Светлый путь")
    № свидетельства о регистрации СМИ, дата: ЭЛ № ФС 77 - 47608 от 07.12.2011
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Р.М. Закиев
    Адрес редакции: 423807, РТ, г. Наб.Челны, пр. М.Джалиля, 46
    Телефон редакции: 70-17-58 - редактор;
    70-25-48 - бухгалтер;
    70-17-43 - отделы писем и массовой работы;
    70-16-86 - компьютерная группа.
    Электронная почта:
    yakti.ul76@gmail.com
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    16+