Хөрмәтле укучыларыбыз!

Әгәр дә газетабызны даими укып барсагыз, искәргәнсездер, без хуҗабикәләребез өчен "Йорт эшләре, сәламәтлек академиясе" сәхифәсен ачып җибәргән идек. Редакциягә килгән хатлардан, шалтыратулардан шуны белдек: кирәк икән газетада мондый тема. Теләнче Тамактагы укучыбыз Рәзинә Әбдүлминова, әлеге сәхифә өчен рәхмәт әйтеп, бакчачыларга да файдалы киңәшләр бирүебезне сораган. Шул җәһәттән укучыларыбызга мөрәҗәгать итәбез: редакциягә үзегез пешереп караган ризыкларның рецептларын, бакчачыларга үзебезнең җирлектә мул уңыш алырга ярдәм итә торган файдалы киңәшләр язып җибәрегез әле.

Иң отышлы дип табылган, укучыларыбыз хуплаган ризык әзерләү рецептын җибәргән укучыбызга кыйммәтле бүләгебез дә бар.