«Туым җондызы» фестивале финалында – яшь тукайлылар

21 декабрь көнне Алабуга шәһәрендә Казан, Минзәлә, Мамадыш, Тукай районнарыннан килгән яшь башкаручылар осталыкларын сынадылар. Борды авылының «Тәңкәләр» балалар ансамбле керәшен халкының матур йоласы - «Пасха» күренешен сәхнәләштерделәр. «Тәңкәләр» ансамбле әлеге фестивальдә I урын яулады һәм финалга үтте. Халык вокалы номинациясендә солистлар Анастасия Корнилова - икенче, Диана Чернова I урын яуладылар (җитәкчеләре Вера Рамазанова). Мәләкәс авылы дуэты - Александр Прокопьев һәм Юлия Попова шулай ук I урын яуладылар (җитәкчеләре Людмила Адамова). Керәшен җырларын яшь башкаручылар арасындагы традицион «Туым җондызы» фестиваленең гала-концерты гыйнвар ахырында Казан шәһәрендә үтәчәк. Әлеге гала-концертны узган елгы жиңүчеләр, гран-при лауретлары - Мәләкәс авылының «Питрау» фольклор ансамле (җитәкчеләре Людмила Адамова) ачып җибәрәчәк.