Фидан белән Ләйлә килде

19 гыйнварда Мәләкәс авылы мәдәният йортында Татарстанның һәм Башкортстанның халык артисты Фидан Гафаров һәм Ләйлә Дәүләтова концерты булды.

Шул ук көнне Иске Абдул мәдәният йортында "Уйнагыз, гармуннар!" дип исемләнгән районкүләм чара узды. Анда районның иң оста 24 баянчысы катнашты. Алар бер-берләре белән тәҗрибә уртаклаштылар, хезмәттәшләренең яңа репертуарларын тыңладылар.

Икенче көнне Кече Шилнә авылында экологик культура һәм әйләнә-тирә мохитне саклау елына багышлап "Кеше. Җир. Галәм" дигән музыкаль-шигъри композиция күрсәтелде һәм балчыктан уенчыклар ясау буенча мастер-класслар үткәрелде.