Якты юл
  • Рус Тат
    • Мәгариф

    Балаларыбызга белемне чын укытучы бирә

    автор, 11 март 2012 - 04:40
    1124
    0
    0

    Илсөяр Шәрәфиева кебек тырыш, олы җанлы, хөрмәткә лаек, төпле акыллы, һәрвакыт киңәшкә, ярдәмгә әзер затлар бизи тормышны. Мин аның турында бу сүзләрне хезмәттәшем буларак та, балаларымның укытучысы буларак та әйтәм.

    Илсөяр Мөнәвировна 1962 елның 4 мартында районыбызның Биклән авылында туа. 1967 елда әтисе Мөнәвир аганы Түбән Суыксу авылына колхоз рәисе итеп билгелиләр. Гаилә өр-яңа йорт, каралты-кура, мунча, шаулап үскән җимеш бакчаларын калдырып күчеп китәргә мәҗбүр була. Әтисе - колхоз рәисе, әнисе Кифая Касыймовна - укытучы. Тиздән Илсөяр дә укырга керә. Тырышып уку өстенә җәмәгать эшләрендә дә актив катнаша ул: отряд, дружина советы рәисе, комсомол комитеты секретаре, музейда эшли һ.б.

    1979 елда мәктәпне тәмамлагач, бернинди икеләнүләрсез әнисе һөнәрен сайлый: Казан дәүләт педагогия институтының тарих-филология факультетына рус теле белгечлеге буенча укырга керә. Һәм менә 1984 елдан бирле Түбән Суыксу урта мәктәбендә балаларга рус теле грамматикасының, әдәбиятының серләрен ача. Үз эшенең остасы булуы коры сүзләр генә түгел. Россия Федерациясе Мәгариф министрлыгының Мактау кәгазенә лаек булуы да моның дәлиле түгелме?! Ә бит ирешелгән уңышлар бик күп. Ел саен укучыларны йомгаклау имтиханнарына әзерли, күпме әзерлек, күпме хезмәт, күпме вакыт һәм сабырлык сорый бу эш мөгаллимәдән.

    Алай гына да түгел, Илсөяр Мөнәвировна бит әле өч бала анасы да. Тормыш иптәше Айрат белән ике ул, бер кыз үстерделәр. Балалары да, шөкер, моңа кадәр әниләренең йөзенә кызыллык китермәделәр. Кызлары Айгөл белән олы уллары Илшат, югары уку йортларын тәмамлап, инде үз юлларын сайладылар, кече уллары Салават та югары белем ала.

    27 ел эшләү дәверендә укучылар күңеленә дөрес юл таба белергә өйрәнгән, ата-аналар белән җылы мөнәсәбәттә эшләүче, авыл халкы арасында абруй казанган хөрмәтле мөгаллимә шушы көннәрдә алтын юбилеен билгеләп үтте. Әле алда яулыйсы яңа үрләр бардыр. Әнә шул максатка ирешүдә уңышлар, рух ныклыгы телибез аңа. Ә ул үрләрне яуларлык һөнәри осталык та, белем-тәҗрибә дә җитәрлек аңарда.

    Иң мөһим һәм кызыклы язмаларны Татмедиа Telegram-каналында укыгыз


    Теги: укытучы белем
    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2020. Якты юл ("Светлый путь"). Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Якты юл ("Светлый путь")
    № свидетельства о регистрации СМИ, дата: ЭЛ № ФС 77 - 47608 от 07.12.2011
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Р.М. Юсупова
    Адрес редакции: 423807, РТ, г. Наб.Челны, пр. М.Джалиля, 46
    Телефон редакции: 70-17-58 - редактор;
    70-25-48 - бухгалтер;
    70-17-43 - отделы писем и массовой работы;
    70-16-86 - компьютерная группа.
    Электронная почта:
    yakti.ul76@gmail.com
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    16+