Тукай районы мәктәпләрендә БДИга әзерлек бара

Район мәктәпләрендә тулы куәткә бердәм дәүләт имтиханнарына әзерлек бара. Район мәгариф бүлегеннән алынган мәгълүматларга караганда, быел IX сыйныфны - 255, XI чыгарылыш сыйныфын 95 укучы тәмамлаячак. Укучылар рус теле белән математикадан тыш, бердәм дәүләт имтиханнарын (сайлап алу) физикадан (28 укучы), химиядән (6), информатикадан (3), биологиядән (18), тарихтан (7), географиядән (3), инглиз теленнән (7), немец теленнән (1), җәмгыять белеменнән (62), әдәбияттан (2) тапшырачак дип көтелә. Районда беренче БДИ 28 май көненә билгеләнгән.

Фотода: Кнәз авылы мәктәбе укучылары информатикадан БДИга әзерләнә