Өлкәннәребез иҗат белән шөгыльләнделәр

Бу юлы хезмәткәрләр һәм биредә яшәүчеләр "Хезмәт гомерне озынайта" программасы кысаларында "Авыл өе" темасына күптөрле кул эшләнмәләре иҗат күргәзмәсе үткәрделәр. Моның өчен алдан ук төрле кул эшләнмәләре әзерләнде: курчаклар тегелде, авыл өе күренеше ясалды. Интернатта яшәүчеләр чарада аеруча актив катнаштылар. А.Захаров, Н.Локтиев, Г.Куфтерин картоннан һәм кәгазьдән авыл өе макетын ясадылар, Е.Поливанова, З.Исламова, К.Нянькина, А.Стяжкова, Ф.Әхмәдова кул эшләренә осталыкларын күрсәттеләр. Өлкәннәребез үзләренең барлык мәшәкатьләрен һәм авыруларын беразга онытып торды. Бу чара барасының да күңелендә истә калырлык күңелле узды.