Яшелчәләрдән салат

Ингредиентлар:
800 грамм кишер, 400 грамм кыяр, ярты болгар борычы, 2 теш сарымсак, 1 чәй калагы төелгән кара борыч, 0,5 чәй калагы төелгән кызыл борыч, 1 чәй калагы төелгән кориандр, 1 аш калагы уксус, 1 чәй калагы рафинирланмаган үсемлек мае, табада кайнарлаткан 50-70 грамм рафинирланган үсемлек мае, 1 чәй калагы шикәр комы.

Әзерләү: Кишерне вак соломка итеп (по-корейски) угычтан чыгарабыз, кыярны да озынча вак итеп турыйбыз, сарымсакны махсус төйгеч аша үткәрәбез, тәмләткечләр кушабыз, кайнарлаткан майны салабыз, яхшылап болгатып, суыткычка тыгып куябыз. Бу салатны суытылган килеш табынга куйсаң яхшы.

Наилә Нургалиева, Иштирәк авылы.