Ничек үз эшеңне башларга?

admin, 17 сентябрь 2019 - 13:40

1637

Һәрберебез көтмәгәндә эшсез калырга мөмкин. Кемдер яңа эш эзли башлый, кемнеңдер «кулы төшә», ә кемдер, киресенчә, үз эшен башларга ният кыла. Нәкъ менә тиешле шәхси һәм һөнәри потенциалы булган, үзләренә эшләргә теләүчеләр өчен 2019 елның 1 гыйнварыннан «һөнәри керемгә салым», «Махсус салым режимын билгеләү буенча эксперимент үткәрү турында»гы 422-ФЗ номерлы Федераль закон үз көченә керде.

Әлеге закон юридик зат яки шәхси эшмәкәр булып теркәлмичә үз бизнесыңны булдырырга мөмкинлек бирә. Бу очракта сезгә шәхси эшмәкәр яки юридик зат буларак теркәлүгә акча тотарга туры килмәячәк.
Теркәлү «Минем салым» мобиль кушымтасы аша яки «Физик затның шәхси кабинеты» аша башкарыла. Хисап бирү өчен салым инспекциясенә бару, контроль-касса техникасы сатып алу һәм пенсия фондына иминият взносларын түләү зарурлыгы юк. Түбән процент ставкалары яшь эшмәкәрләргә үз бизнесларын үстерү өчен капитал туплау мөмкинлеге бирә.
Һәр атна саен пәҗешәмбе көнне 17 сәгатьтә Алабуга шәһәренең Чапаев урамы, 78нче йорт адресы буенча урнашкан салым инспекциясе бинасында үзмәшгульлек турындагы законны аңлату һәм теркәү буенча семинар-киңәшмә уза. Белешмәләр өчен телефон: 9-31-42
Шәхси эшмәкәр буларак теркәлгәндә, мәшгульлек үзәге аша бер тапкыр 117600 мең сум күләмендә дәүләт финанс ярдәме күрсәтелә. Бу турыда мәгълүмат алу өчен урыннарда мәшгульлек үзәгенә мөрәҗәгать итәргә кирәк.