Бәхетле булыйм дисәң

Беркайчан да тормыштан, кешеләрдән зарланма. Чөнки син күпме генә зарлансаң да, моның файдасы булмаячак, үзеңнең кәефең генә кырылачак. Аннан соң гел зарланып, еш кабатланып торган сүзләрнең тормышка ашу гадәте дә бар. 
Шат күңелле кешеләр белән ешрак аралаш. Чөнки андый оптимист кешеләрнең кешегә тәэсире көчле була. Күпмедер вакыттан соң үзең дә елмая, көлә башларсың.
Һәр нәрсәнең бары тик уңай якларын гына күрергә тырыш. 
Беркайчан, беркемгә үпкәләмә. Әгәр берәр нәрсә ошамаса, турысын әйтү хәерлерәк.
Күбрәк елмай. Елмаючан кешеләргә уңыш күбрәк елмая. Башкаларның да сиңа карап кәефе күтәреләчәк.