Якты юл
  • Рус Тат
    • Көн үзәгендә

    Онытылмый ил данын күтәргән батырлар

    автор, 9 май 2012 - 09:38
    541
    0
    0

    Ил халкы Бөек Җиңүнең 67 еллыгын бәйрәм итте. Районда әлеге җәһәттән һәр авылда бәйрәм чаралары узды. Муниципаль район башлыгы Васил Хаҗиев Советлар Союзы Герое Кәлимулла Якуповның туган авылы Иштирәктә узган тантанада катнашып, ветераннарны тәбрикләде, сугышта һәлак булганнар истәлегенә һәйкәлгә чәчәкләр салды.

    - Без сезнең тиңдәшсез батырлык алдында баш иябез, хөрмәтле ветераннар. - диде Васил Гариф улы үзенең котлау сүзендә. - Аяз күк йөзе, имин тормыш бүләк иткән өчен рәхмәт сезгә. Җиңү зур корбаннар бәрабәренә яуланды. Дәһшәтле сугыш сезнең балачакны, яшьлегегезне урлады. Безнең боларны онытырга хакыбыз юк. Җиңү көне котлы булсын, барчагызга сәламәтлек, рух ныклыгы, бәхет, мул тормыш телим.

    Тантанада катнашкан Татарстан Республикасы Президентының территорияләр белән эшләү идарәсе баш киңәшчесе Денис Королев та котлауларын җиткерде. Районның хәрби комиссары Рәис Юнысов, район эчке эшләр бүлеге башлыгы Дамир Шәйдуллинның тәбрикләүләре дә тантанага аерым ямь өстәде. Иштирәк авыл җирлеге башлыгы Рөстәм Закиров, авылның ветераннар советы рәисе Илдус Җиһангиров та бәйрәм тәбрикләүләрен җиткерде. Чыгышлардан соң, тантанада катнашучылар сугыш корбаннарын бер минут тынлык белән искә алды.

    Иштирәктән 454 ир-егет сугышка киткән, шуларның 199 яуда башын сала. Туган җирләренә әйләнеп кайтканнарның бүген нибары икесе генә исән. Кызганычка каршы, Нәкыйп Кәримов, Шаһинур Ризатдинов тантанага килә алмадылар. Нәкыйп ага ике ел урын өстендә икән, Шаһинур ага да бу көнне авырып киткән, диделәр. Аларга әзерләнгән бүләкләрне өйләренә илтеп тапшырдылар. Вакыт әнә шулай яусыз: безне дәһшәтле сугыш көннәреннән ерагайткан еллар исәбе арткан саен, җиңү яулаган солдатлар, канкойгыч бәрелешләрнең тере шаһитларының саны кими бара. Инде күбебез бу көнне тиңдәшсез батырлык күрсәткән буын вәкилләре - әти-әниләребез, әби-бабаларыбыз каберләрен зиярәт кыла. Күңел, аларга кадер-хөрмәтне вакытында күрсәтә, рәхмәтебезне җиткерә алдыкмы икән, дигән үкенеч белән тула...

    Иштирәктәге тантанада тыл ветераннарының урыны түрдә булды. Балалар аларга чәчәкләр тапшырды. Җыр-биюле чыгышлары белән куандырдылар. Ветераннар өчен мул итеп чәй табыны әзерләнгән иде.

    Иң мөһим һәм кызыклы язмаларны Татмедиа Telegram-каналында укыгыз


    Теги: Бљек Ватан сугышы Бљек Ќићњнећ 67 еллыгы
    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2021. Якты юл ("Светлый путь"). Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Якты юл ("Светлый путь")
    № свидетельства о регистрации СМИ, дата: ЭЛ № ФС 77 - 47608 от 07.12.2011
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Р.М. Закиев
    Адрес редакции: 423807, РТ, г. Наб.Челны, пр. М.Джалиля, 46
    Телефон редакции: 70-17-58 - редактор;
    70-25-48 - бухгалтер;
    70-17-43 - отделы писем и массовой работы;
    70-16-86 - компьютерная группа.
    Электронная почта:
    yakti.ul76@gmail.com
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    16+