Үтерүдә гаебен таныган

26 февральдә район судында «Алмаз» хуҗалыгы терлекче йортында булган үтерү буенча хөкем карары чыгарылды. Үзе белән бергә эшләгән үзбәк мигрантны пычак кадап үтергән Р. Турсунов 7 ел да 6 айга ирегеннән мәхрүм ителде, дип хәбәр итте район прокуроры ярдәмчесе И. Рамазанов. Ул каты режимлы төзәтү колониясенә озатыла. Р. Турсунов үтерүдә үз гаебен таный, җинаятькә аны Ш.Кенжабаевның мыскыллаулары этәрде, дип аңлата. Ул аны җенси яктан гадәти юнәлештә түгел дип түбәнсеткән, бусы түзә алмый пычак белән кадаган.