Унбер үзбәкстанлыны фатирында законсыз теркәгән

Район прокуратурасы Бәтке авылында Үзбәкстаннан гражданнары исәпләнгән 11 кешене теркәгән фатирны ачыклады.агымдагы елның 26 маеннан 9 июненә кадәр вакыт аралыгында әлеге фатирның 39 яшьлек хуҗабикәсе бу гражданнарны миграция хезмәте аша теркәргә өлгергән. Шунысы да бар, үзбәкстанлыларның берсе дә теркәлгән адреслары буенча яшәмәгән. Прокуратура фатир хуҗасының Үзбәкстан гражданнарын теркәвен законга туры килми дип тапкан һәм Федераль миграция хезмәтенең район буенча территориаль пунктына әлеге 11 кешене теркәүдән төшерүне сорап судка дәгъва хаты белән мөрәҗәгать иткән. Бу турыда район прокуроры ярдәмчесе Рөстәм Яхин хәбәр итә.