Шикләнәсез икән, «кайнар линия»гә хәбәр итегез

Алкоголь һәм спиртлы продукциянең законсыз әйләнешен киметү максатыннан ТР Дәүләт алкоголь инспекциясенең Яр Чаллы территориаль органында иртәнге 8дән кичке сәгать 5кә кадәр (8552)71-43-03 номеры буенча «кайнар линия» телефоны эшли. Алкоголь продукциясенең лицензиясез сату, балигъ булмаган затларга җибәрү, ялган аракы сату очраклары һәм башка (алкоголь һәм спиртлы эчемлекләрне стационар булмаган сәүдә ноктларында сату, очсызрак бәядән җибәрү) шундый фактлар турында «кайнар линиягә» хәбәр итәргә була. Шулай үк әлеге очраклар буенча район халкы Тукай эчке эшләр бүлегенең кизү тору бүлегендәге (8552) 71-44-81 телефон номерына тәүлекнең теләсә кайсы вакытында шалтыратып, мөрәҗәгать итә ала.