Редакция район судына улын үтергән ананы яклап килгән укучылар фикерләрен җиткерде

Җомга, 28 февраль көнне, район судында улын үтергән ананың эше карала башлый. Әлеге фаҗига газета укучыларыбызны битараф калдырмады, редакциягә хатлар килде, шалтыратулар булды. Укучыларыбыз бу ананы төрмәгә утыртмасыннар иде дигән фикердә. Әлбәттә, судка беркемнең дә үз фикерен тагарга хакы юк. Судлар бәйсез һәм алар законнан чыгып эш йөртә. Әмма без укучыларыбыз фикере, эш каралганда җәзаны йомшартучы сәбәп буларак каралыр дигән теләктә редакциягә килгән мөрәҗәгатьләрне судка тапшырдык. Утырыштан беренче хәбәрләр газетабыз сайтында җомга көнне урнаштырылачак.