Якты юл
  • Рус Тат
  • Таныклыклар ЮХИДИ бүлегендә сакланачак

    Административ хокук бозулар өчен алынган машина йөртү таныклыклары хәзер элеккеге кебек имтихан тапшыру бүлекчәләрендә түгел, ә республика муниципаль берәмлекләренең ЮХИДИ бүлекләрендә сакланачак. Җаваплылыкка тартылган кеше кайда исәптә тора, машина йөртү хокукы турындагы таныклык та шул бүлектә булачак.

    Машина йөртүченең транспорт чаралары белән идарә итүдән мәхрүм ителүе турындагы суд карары килгәннән соң, административ хокук бозу теркәлгән урындагы Дәүләт автоинспекциясе хезмәткәрләре таныклыкны һәм тиешле документларны почта аша өч тәүлек эчендә машина йөртүченең яшәү урынындагы ЮХИДИ бүлекчәсенә җибәрәләр.

    Машина йөртү хокукыннан мәхрүм ителү вакыты чыккан таныклык хуҗасына әлеге документын алырга паспорты һәм гамәлдәге медицина белешмәсе белән килергә кирәк була, дип хәбәр итә ТР Эчке эшләр министрлыгының ЮХИДИ идарәсе.

    Теги: ЮХИДИ
    Нравится
    Поделиться:
    Реклама
    Комментарии (0)
    Осталось символов: