Равил Гәрәев: «Исән чакта – үз авылым өчен эшләячәкмен!»

Язмыш аяусыз сынаса да, ул күңелен төшермәде, киресенчә, авылының киләчәге өчен барлык көчен салды.

Бүген Равил Вәгыйз улы староста гына түгел, ә Казиленең чын илһамчысы, этәргече һәм җаны. Урамнарны яктырту, юлларны хәстәрләү, бәйрәмнәр оештыру, күршеләргә ярдәм итү – боларның барсын да ул күңел кушуынча эшли.

Бөтен бер авылга ничек өлгерә ул? Ни өчен халык аңа берсүзсез ышана? Нинди көч аны, бернигә карамастан, тагын да авылны яхшырак итәргә мәҗбүр итә? Әйдәгез, аның тарихы белән якыннанрак танышыйк.

Ул бирешергә мөмкин иде. Авыру белән көрәшкә генә игътибарны туплап, кулларын төшереп, үз эченә бикләнә алыр иде. Ләкин Равил Гәрәев андыйлардан түгел. Бу гаҗәеп кеше өчен «Яшәү – димәк хәрәкәт итү» дигән гыйбарә сүзләр генә түгел, ә чын тормыш кредосына әверелә.

Йөрәк кушуы буенча староста

Моннан сигез ел элек Казиле халкы бертавыштан аны староста итеп сайлагач, авылның ни дәрәҗәдә үзгәрәчәген күз алдына да китерә алмадылар. Бүген Равил Вәгыйз улы – вазыйфаи зат кына түгел, ә бөтен авылны үзенә тарта торган чын локомотив. Яктырту, су, юллар – бер генә проблема да аның игътибарыннан башка калмый.

«Җирлек башлыгы белән һәрвакыт киңәшәм, – дип сөйли староста. - Мин аңа мәгълүмат бирәм, ул миңа ярдәм итә. Шулай бергә эшлибез».

«Әгәр кеше эшсез утыра икән – ул яшәүдән туктый», – ди  Равил Гәрәев.

Яңадан торгызылган Сабантуй: берләштерә торган бәйрәм

Казиле 22 ел Сабантуйсыз яши. Традиция юкка чыкты кебек. Ләкин Равил Вагыйз улы эшкә тотынгач, бәйрәм кире кайтып кына калмады, яңа төсләр белән уйный башлады.

Хәзер бу чара гына түгел, ул авылның күңеле, аның Визит карточкасы. Хуш исле пылау, балаларның яңгыравыклы көлүләре, халык уеннары – болар барысы да үз энергиясе белән тирә-юньдәгеләрне яндыра алган бер кешенең үҗәтлеге аркасында мөмкин булды.

«Бәйрәмне оештыру – уртак эш: халык һәм иганәчеләр кунакларга җылы, тәмле һәм күңелле булсын өчен көчләрен салалар. Кешеләр көтә – димәк, аларга ошый», - ди староста горурланып. Һәм бу гади сүзләрдә аның бөтен фәлсәфәсе – кешеләргә яхшы булсын өчен эшләү.

Казиле – бер зур гаилә

Монда кеше бәласе яныннан узмыйлар. Яңа гына күченеп килгән Василий Максимов, ике дә уйламыйча мөселман һәм хрестиян зиратларына буяу белән ярдәм итте. Зират юлын төзекләндерер өчен Равил Вәгыйзь улының дуслары оператив рәвештә материаллар алып кайтты һәм барлык авыл халкы ярдәмгә килде. 

«Сорадым – икенче көнне алып килделәр», – ди тыйнак кына Равил Вәгыйзь улы. Ләкин бу гади фраза артында – еллар буе төзелгән мөнәсәбәтләр, үзара хөрмәт һәм ышаныч.

Өйдә-команда составы!

«Мин өйдә бик сирәк булам. Күбрәк авыл эшләре белән йөрим», – дип көлә Равил Вагыйзович.  Өйдә командир – минем хатыным». Әнисә Гәрәева – аның ышанычлы тылы һәм уң кулы. Алар авыл эшләрен бергә алып баралар, проблемаларны бергә хәл итәләр, уңышларга бергәләп сөенәләр.

Әнисә Гәрәева ирен һәрнәрсәдә хуплый: «Ул бик җаваплы кеше. Барысын бергә эшлибез: акча җыябыз, бүлеп бирәбез. Дебет-кредит миндә (көлә). Барлык халык ярдәм итә». 

«Ул эшне ахырына җиткермичә тынычланмаячак», – ди күршесе Наилә Галиуллина сокланып.  Авыл өчен бөтенесенә дә әзер ул!»

Планнар? Аларны санап бетерерлек түгел!

Юлны төзекләндерү, Сабантуйга әзерлек, клубны ремонтлау – Равил Гәрәев ирешелгәннәр белән генә тукталып калырга күнекмәгән. Ул кемнеңдер килүен һәм эшләгәнен көтми – ала да үзе эшли.

Чөнки Казиле  – аның тормышы, мәхәббәте һәм төп эше.  

Күптән түгел Равил Гәрәев үзенең юбилеен билгеләп үтте. Равил Вагыйзович, без Сезне туган көнегез белән котлыйбыз. Сезнең тормыш юлыгыз – туган җирегезгә чын тугрылык, кешеләр турында кайгырту һәм чиксез энергия үрнәге ул. Сез староста гына түгел, сез Казиле авылының җаны. Сезнең тырышлыгыгыз белән авылда тормыш кайный: традицияләр яңадан торгызыла, мөһим мәсьәләләр хәл ителә, ә авылдашлар үзләрен бер зур гаилә итеп хис итә. Сезнең ныклыгыгыз, хезмәт сөючәнлегегез һәм игелегегез тирә-юньдәгеләрне рухландыра. Без ышанабыз: авылда сезнең кебек кешеләр булганда, аның киләчәге бар. Сезгә нык сәламәтлек, күңел күтәренкелеге һәм яңа казанышлар телибез! Сезнең көннәрегез шатлык, якташларыгызның ихтирамы һәм якыннарыгызның ярдәме белән тулы булсын.